1969 වර්ෂයේ බුද්ධශ‍්‍රාවක ධර්ම පීඨය නමින් ආරම්භවූ මෙම උත්තුංග අධ්‍යාපන ආයතනය 1996 වර්ෂයේ සිට බුද්ධශ‍්‍රාවක භික්‍ෂු විශ්වවිද්‍යාලය නමින් ද 2012 වර්ෂයේ සිට ශී‍්‍ර ලංකා භික්‍ෂු විශ්වවිද්‍යාලය නමින්ද පවතියි. එහෙත් ආරම්භයේදී පැවති පනතේ අරමුණු එසේම පවතියි. පරිපාලන ව්‍යුහයේ දී උත්තරීතර සභාව, පාලක සභාව, සනාතන සභාව සහ අධ්‍යයන කටයුතු මෙහෙයවන පීඨ මණ්ඩල ප‍්‍රධාන වශයෙන් පෙනෙයි. සිසුන්ගේ දැනුම් ක්‍ෂෙත‍්‍රය සපුරාලන සුවිසල් පුස්තකාලය ශිෂ්‍ය ඥානය මැන බලන විභාග අංශය, සරසවි හදවත ශක්තිමත් කරන ඉතා වැදගත් අංශයන් ය.