ගෙදරදීම ඔබේ දරුවාට ඉංග්‍රීසි උගන්වමුද?
එසේ නම් මෙම ලිපිය අවසාන තෙක් කියවන්න.
ගොඩක් දෙමවුපියන් තමන්ගේ දරුවට හොඳම දේ දෙන්න ගොඩක් වෙහෙසෙනවා. අධ්‍යාපනය තමයි ඒ අතරින් ප්‍රධානම දේ. මෙතනදී දරුවාට ඉංග්‍රීසි භාෂාව උගන්වන්න දරුවාට වචන කතා කරන්න පුළුවන් වුණ ගමන්ම පටන් ගන්නවා. කොහොමද මේක නිවැරදි විදියට කරන්නේ?
ඇත්තටම දරුවෙක් පොඩි පොඩි වචන කතා කරන්න පටන් ගන්න වයස තමයි අපිට භාෂාවක් උගන්නන්න පුළුවන් හොඳම වයස. ඒ දරුවා තමන්ගේ වටපිටාවෙන් ඇහෙන පොඩි පොඩි වචන අල්ලාගෙන ඒවා අනුකරණය කරනවා. ඒ වගේම මේ වයසේදී දරුවට හොඳ මතක ශක්තියකුත් තියෙනවා.
එහෙම නම් අපි කොහොමද දරුවට මේ පුංචි වයසේදීම නිවැරදිව ඉංග්‍රීසි භාෂාව උගන්වන්නේ?
මේක මහා අමාරු වැඩක් නෙමෙයි. හැබැයි මුලින්ම අම්මා පොඩ්ඩක් මහන්සි වෙලා දේවල් ටිකක් ඉගෙන ගන්න ඕන. විශේෂයෙන්ම අම්මට පුළුවන් නිතරම දරුවා එක්ක ඉංග්‍රීසියෙන් කතා කරන්න. ගෙදර එක්කෙනෙක් හරි දරුවා එක්ක ඉංග්‍රීසියෙන් කතා කරනවා නම් දරුවට ඒක ගොඩක් උදවු වෙනවා ඉක්මනින් භාෂාව අල්ල ගන්න. ඔයාලා දැකල ඇතිනේ ගෙදර ඉංග්‍රීසියෙන් කතා කරන පවුල් පසුබිම තියෙන ගෙවල් වල ඒ දරුවෝ හරි ලස්සනට ඉංග්‍රීසියෙන් කතා කරනවා. මෙතැනදී අම්මගේ ඉංග්‍රීසි දැනුම සර්ව සම්පූර්ණ වෙන්න ඕන නෑ. පුංචි පුංචි වචන කියල දෙන්න අම්මට පුළුවන්.
විශේෂයෙන්ම දරුවා දුවනකොට දුවන්න එපා do not run කියල ඉංග්‍රීසියෙන් කියන්න. දරුවා Spoken English / Elocution පන්තියකට යවනවා නම් ඒ පන්තියේ එදා එදා කරපු වැඩ ඒ සතියේදීම ගෙදරදී නැවත නැවතත් මතක් කරලා දෙන්න. ඒවා ගෙදරදී පුරුදු කරවන්න. පන්තියේ පැය 2ට විතරක් නම් සීමා කරන්න එපා. මොකද මේක භාෂාවක් මිසක් විෂයක් නෙමෙයිනේ. භාෂාවක් ඉගෙන ගන්න නම් නිතරම භාවිතා වෙන්න ඕන. විශේෂයෙන්ම Speaking, Listening, Writing, Reading කියන අංශ 4ම හොඳම පුහුණු වෙන්න ඕන. අවුරුදු 2,3 දරුවන්ට Reading, Writing කියන අංශ දෙක මුලදී නැතත් අනිවාර්යෙන් Speaking, Listening කියන දෙක නම් නිතරම පුහුණු විය යුතුමයි.
ඉංග්‍රීසි භාෂාව භාවිතා කරමින් බුද්ධි වර්ධන ක්‍රියාකාරකම් කරවීම තමයි අනිත් ක්‍රමය.
1. Role Play
2. Outdoor / Indoor Play
3. Building Blocks
4. Storytelling
5. Songs
6. Drawing and Colouring
7. Memory games
8. Puzzle Solving
9. Arts and Crafts
10. Simple Scientific Experiments
තව ගොඩක් දේවල් ඉදිරියේදී කියන්නම්. දරුවට හොඳම දේ දෙන්න ගෙදරින්ම පටන් ගන්න. අනිවාර්යයෙන්ම ඔයාට පුළුවන්.
