This advertisement has expired. Please click on the below buttons to view all active advertisements.

‘සති පාසල‘ යනු ශ්‍රී ලංකාවේ පාසල් ළමුන්ට සතිය හඳුන්වාදීම සඳහා ආරම්භ කළ වැඩ සටහනක්. මුලින්ම සතිය අර්ථ දක්වන්නේ කොහොමද කියල බලමු. සතිය යනු :

යෙදෙන කාර්යයට සිත යොමු කර වර්තමාන මොහොතට එළැඹ සිටීමෙන් හා තීන්දු–තීරණවලින් තොරව, ඒ ඒ මොහොතේ සිහිය පැවැත්වීමේ අත්දැකීම තුළින් මතු වෙන දැනුවත් වීමයි.

සතිය පිහිටුවීමේ වැඩ සටහන් හඳුන්වාදීම තුළින් ලද සැලකිය යුතු ප්‍රතිලාභ පිළිබඳව බටහිර රටවල් වාර්තාගත කර තිබුණත්, ශ්‍රී ලංකාවේ අධ්‍යාපන පද්ධතිය තවම මෙවැනි වැඩ සටහන්වලට විවෘත වී නැහැ.

ගැටවර වයස මොළයේ වර්ධනය පිළිබඳ ඉතා තීරණාත්මක කාලයක් බවද, විශේෂයෙන්ම තීරණ ගැනීම, චිත්ත වේග පාලනය හා සමාජ අවබෝධය සඳහා වගකිව යුතු මොළයේ කොටස් වර්ධනය වන්නේ ඒ වයස් මට්ටමේදී බවද, ස්නායු විද්‍යාඥයන්ට පැහැදිලි වී තියෙනවා. තරුණ සිසුන්ගේ සතිමත් බව වැඩීම නිසා අවධාන පරාසයත්, පන්තියේ වැඩට ඒකාග්‍ර වීමේ හැකියාවත්, සංජානන හා චිත්ත වේග නම්‍යශීලි ගතියත් වැඩි දියුණු වන බවට වාර්තාද තියෙනවා.

මේ තොරතුරු යොවුන් වයසේ අයට මෙන්ම, ඔවුන්ට මාර්ගෝපදේශකත්වය දෙන මාපියවරුන්, ගුරුවරුන් හා උපදේශකයන්ටත් එක සේ වැදගත් වන බව, යොවුන් විය මනස සංවර්ධනය පිළිබඳ විශේෂඥයන් විශේෂයෙන් අවධාරණය කරන කාරණයකි. මෙහි ඇති වටිනාකම සති පාසල සංකල්පය යටතේ අපි හොඳින් වටහාගෙන ඔබ වෙත ඉදිරිපත් කරන්නෙමු.

මෙම සති පාසල වැඩ සටහනේ නායකත්වය දරන්නේ තම ජීවිත කාලයෙන් අවුරුදු තිස් පහක්ම සතිමත් බව පුහුණු වීමට කැප කළ ශ්‍රී ලංකාවේ ආරණ්‍යයක නායක ථෙරවාදී බෞද්ධ භික්ෂූන්වහන්සේ නමක් සහ සතිමත් බව පුහුණු කිරීම වෙනුවෙන් කැප වී සිටින වෘත්තිකයින් කණ්ඩායමකි. මේ ආරම්භක ප්‍රයත්නය සාර්ථක කරගැනීමට ඔවුන්ගේ විශේෂඥ දැනුම සහ සම්පත් ඒකරාශී කොට ඇත. මෙම වැඩ සටහනේ උගැන්වීම් ආගම් භේදයකින් තොර අරමුණු මත පදනම් වී ඇති බැවින්, වැඩ සටහනට ස්වේච්ඡාවෙන් සම්බන්ධ වීමට කරන ආරාධනාව ජාති ආගම් භේදයකින් තොරව ඉදිරිපත් කර ඇත.

මෙම වැඩ පිළිවෙලට ස්වේච්ඡාවෙන් සහභාගී වී ඉමහත් ප්‍රයෝජන ලබා ගන්න මෙන් පාසල්, විශ්වවිද්‍යාල හා අනෙකුත් අධ්‍යාපන ආයතන වල සිසුන්ට, ගුරුවරුන්ට, පරිපාලකයින්ට සහ මාපියවරුන්ට ආරාධනා කර සිටිමු.

• Large group classes (More than 20 people)

• සිංහල